"A ESCURES”ye una antoxana ú esconxurar degorrios personales. Gracies pola visita, ya inda más si tienes daqué cosa interesante qu'aportar. Sinón, al fondu hai sitiu asgaya. Afáyate y posa nesti escañu. Fain falta munchos más pa que’l doliosu camín del espuxigue de la llingüa asturiana seya más delaxao y llevadero. Llugares en que charrar un poquiñín con collacios y colos otros, aquellos que nun se duelen de la llaceria ayeno
Acútense los derechos de copyright. Artículos y demás material lliterario que s'espubliza na fueya son d'esclusiva propiedá del autor. Puen usase y espardese llibremente siempres que se cite la fonte y ello non suponga usu contrariu a la reglamentación de la propiedá intelectual aplicable
Coméntame una collacia qu’entrugó a ún de los funcionarios del ayuntamientu de Xixón sobre cómo taben les coses. Y el funcionariu dixo que taben acoyonaos, que, cola de xente que tienen viviendo del cuentu dende hai trenta años, y cola perda d’ayuntamientos y del gobiernu del Principáu, que nun saben ú los “colocar”, ónde los meter. Y la collacia alcordose d’un peon de de la Xunta d’Obres del Puertu, que llegó a director d’esi negociu y anda agora metíu en cargos d’úrsidos y esbardios. “¿A ú va dir esi pinín?”, entrugóme ars iocandi.
Mas que seya vox pópuli la podrén de l’aristrocracia político, podredume que trescala tolos ámbetos de la sociedá que llamen civil (y cuido que, tamién, la militar) nun dexa de ser vergoñoso la tolerancia que s’amuesa frente a esti fecho. Parez que ye “normal” que los políticos faigan lladroniciu de les nueses perres, que mientan, roben, furten y empuerquen la meritoria llabor de ser servidor públicu. Psoe, Pp, Iu... la mesma mierda, pues sinon se beneficien del sistema, aprovéchense d'él, combalechando colos corruptos y, toos xuntos, nella refocilen y medren cualos gochos a salvu samatrín.
Agora, nesti casu d’Asturies, los sucio-listos, anden llocos, faciéndose sangre ente ellos por ver qué cargu aguantar y cómo siguir, inmoralmente y con dudosa ética, zucando del tetu de les nueses perres, ingrates sanixueles, andancia fatal.
Esta perda de valores nel remaneo de la cosa público ye insufrible, y lo ye tovía más cuado nun quies participar de la collecha basorial que produz esta plutocracia puzcalabre, esta partitocracia infame poblao de catavides, golfos, prescindible gandaya que fai de la política la pior espresión de la maldá humano. De la divino, yá falaremos.
Entradas
