Entradas
Vamos dir esbillando videocapítulos referíos al conde astur GONZALU PELÁIZ, famosu na so dómina por tenese llevantao escontra'l poder del rei Alfonsu VII n'esficies d'algamar cierta independencia de la so posesión condal, el territoriu llamáu, d'quella, les Asturies Inferiores. Una dómina interesante, na que'l condáu asturlleonés, conocíu como "portucalense" diba camín de la dixebra, de la manu d'Afonsu Henriques, primu del rei asturlleonés Alfonsu VII. Les implicaciones polítiques d'esti socesu de xuru que nun se-y esmucieron al dixebriegu conde astur, que buscó engrandar los privilexos del so territoriu asturianu. Pero más allá del personaxe ta la base d'un pueblu que sofitaba les aspiraciones soberanistes d'esti conde pues, él solu, yera naide p¡algamar cosa dalguna. Alluende les relaciones de vasallaxe y clientelismu, munchos fueron los que puxaron pola dixebra del antiguu reinu d'Asturies, en plenu procesu d'implosión, escaecíu ente montes y ríos, llueñe del poder de la corte lleoneso, perdiendo derechos hestóricos y culturales en favor del espuxigue de Castiella.
Los medios emplegaos pa facer el vidiu son, dafechu, artesanales. Abasta la imaxinación
